پانی اور سیور کے مسائل سے جوجھ رہے ہیں راجدھانی کے لوگ

دہلی جل بورڈ نے اب عوام کےلئے جامع اصلاحاتی مہم کا آغاز کیا

نئی دہلی، 19 مارچ(میرا وطن نیوز )
دہلی کے شہریوں کو برسوں سے پریشان کر رہے پانی اور سیورکے مسائل کے حل کی سمت میں دہلی جل بورڈ نے وزیرآبی پرویش صاحب سنگھ کی صدارت میں زمینی سطح کے کئی اہم پروجیکٹوں کو منظوری دی ہے۔ ان فیصلوں کا مقصد ان روزمرہ کی مشکلات کو ختم کرنا ہے جن سے عام لوگ مسلسل جھوجھ ر ہے ہیں- چاہے وہ پانی کے غلط بل ہوں، ناقص میٹرز ہوں یا سیور کنیکٹیویٹی کی کمی ہو۔
پانی کے بلوں سے متعلق بڑھتی ہوئی شکایات کا نوٹس لیتے ہوئے دہلی جل بورڈ نے تقریباً 3.5 ملین صارفین کا احاطہ کرتے ہوئے e-KYC اور ڈیجیٹل ڈیٹا اپ ڈیٹس کے لیے گھر گھر جا کر بڑے پیما نے پر مہم شروع کرنے کا فیصلہ کیا ہے۔اس مہم کے تحت 60 کروڑ روپے کی تخمینہ لاگت سے شروع کی جا رہی ہے۔اس کے تحت ٹیکنالوجی پر مبنی میٹر ریڈنگ کے ساتھ تصاویر بھی، درستگی کو یقینی بنانے کے لیے جی پی ایس ٹیگنگ اور بروقت بل کی ترسیل کے ساتھ ڈیلیوری کا ثبوت (پی او ڈی) اقدام ہوں گے۔ یہ ا قدام ان نظامی خامیوں کو دور کرنے کی جانب ایک اہم قدم کی نشاندہی کرتا ہے جنہوں نے نظام پر صارفین کا اعتماد ختم کر دیا تھا۔
وزیر آبی پرویش صاحب سنگھ نے کہا:’دہلی کے لوگ اپنے پانی کے بل ادا کرنا چاہتے ہیں اور اپنی شہری ذمہ داریوں کو پورا کرنا چاہتے ہیں۔ مسئلہ اس وقت پیدا ہوتا ہے جب انہیں اچانک زیادہ بل موصول ہوتے ہیں، جب میٹر خراب ہو جاتے ہیں، یا جب بل وقت پر ان کے گھروں تک نہیں پہنچ پاتے ہیں ۔ یہ محض تکنیکی خرابیاں نہیں ہیں؛ یہ ایسے سنگین مسائل ہیں جو براہ راست لوگوں کی روزمرہ کی زندگیوں پر اثر انداز ہوتے ہیں۔ ہماری کوشش ہے کہ ان تمام مسائل کو حل کرنے کے لیے تمام سطح پر کوششیں کی جا رہی ہیں۔
انہوں نے کہا کہ اگلے چھ ماہ کے دوران ہر ایک صارف کے ڈیجیٹل ریکارڈ کی تصدیق کی جائے گی، اس عمل سے تنازعات کو نمایاں طور پر کم کرنے اور خدمات کے معیار کو بڑھانے کی توقع ہے۔ کراڑی میں سیوریج کنکشن: ہزاروں خاندانوں کے لیے ریلیف اورکراڑی اور اس کے آس پاس کے علاقوں میں رہنے والے لاکھوں لوگوں کو راحت پہنچاتے ہوئے د ہلی جل بورڈ نے ہاو ¿س سروس سیور کنیکشن (ایچ ایس ایس سی ) کے لیے ایک بڑے پیمانے پر پرو جیکٹ کو منظوری دی ہے۔
اس منصوبے کے تحت، پرتاپ وہار کیچمنٹ: 4لاکھ 30ہزار لوگ (72 کالونیاں)، پریم نگر کیچمنٹ: 1 لاکھ 45ہزار لوگ (30 کالونیاں)، بھاگیہ وہار کیچمنٹ: 1لاکھ 50ہزار لوگ (11 کالونیاں اور 3 گاو ¿ں)شامل ہیں ۔یہ پروجیکٹ ان خاندانوں کے لیے تبدیلی ثابت کرنے کے لیے تیار ہے جو اب تک غیر محفوظ اور غیر صحت بخش صفائی کے نظام پر انحصار کرتے تھے۔ اس سے نہ صرف حفظان صحت کے معیار میں بہتری آئے گی بلکہ لوگوں کے معیار زندگی میں بھی مثبت تبدیلی آئے گی۔
جمنا کو صاف کرنے کی کوششوں میں، دہلی جل بورڈ نے اپنے منبع پر آلودگی کو روکنے کے مقصد سے اہم فیصلے کیے ہیں۔ان میں دہلی گیٹ ڈرین کے لیے 71.12 کروڑ روپے کی لاگت سے ایک اندرونی گندے پانی کی صفائی کا منصوبہ ہے۔ وزیر آباد بیراج کے اوپر کی طرف واقع تالاب کے علاقے کی بحالی کی منظوری دی گئی ہے۔ان اقدامات کا مقصد یہ یقینی بنانا ہے کہ غیر علاج شدہ سیوریج کو جمنا میں بہنے سے پہلے روکا جائے، اس طرح جمنا کی صفائی کو ایک پائیدار اور موثر کوشش بنایا جائے ۔
دہلی جل بورڈ کے یہ فیصلے اس بات کا اشارہ دیتے ہیں کہ گورننس اب صرف اسکیموں کی تشکیل تک محدود نہیں ہے۔ بلکہ اب یہ عوام کو درپیش اصل مسائل کو سمجھنے اور ان کے حل کے لیے ٹھوس اقدامات کر رہا ہے۔یہ اقدام نہ صرف بنیادی سہولیات میں بہتری کا باعث بنے گا بلکہ زیادہ شفافیت اور احتساب کو فروغ دیتے ہوئے نظام پر عوام کا اعتماد بھی مضبوط کرے گا۔