خفیہ دستاویزات کیس میں سابق امریکی صدر ڈونالڈ ٹرمپ کو عدالتی سماعت میں راحت

واشنگٹن: خفیہ دستاویزات کیس میں سابق امریکی صدر ڈونالڈ ٹرمپ کو عدالتی سماعت میں بڑی راحت ملی ۔تفصیلات کے مطابق سابق امریکی صدر ڈونلڈ ٹرمپ کے خلاف مقدمے کی سماعت اب آئندہ برس مئی کے تیسرے ہفتے میں ہوگی، جس کی وجہ سے ٹرمپ کو ریپبلکنز صدارتی امیدوار کی نامزدگی حاصل کرنے کے لیے وقت مل گیا ہے ۔کیس کی سماعت 14 اگست کو رکھی گئی تھی مگر ٹرمپ کے وکلا نے شدید مخالفت کی، ٹرمپ کی یہ کوشش تھی کہ سماعت کی تاریخ آگے بڑھ جائے کیوں کہ وہ اس وقت دوبارہ صدارتی انتخاب لڑنے کے سلسلے میں بھرپور مہم چلا رہے ہیں، اگر عدالتی کارروائی شروع ہو جاتی تو ان کی انتخابی مہم متاثر ہو جاتی۔کیس کی سماعت اب آئندہ برس مئی میں ہوگی۔
، ڈیموکریٹ پارٹی کی جانب سے اس ریلیف کی مخالفت کی جا رہی ہے ۔ واضح رہے کہ رائے عامہ کے جائزوں میں ٹرمپ ریپبلکنز امیدواروں میں تاحال سرفہرست ہیں۔