روضہ رسول کریم صلی اللہ علیہ وسلم کے خادم شیخ عبدہ علی ادریس شیخ کا انتقال

مدینہ منورہ: روضہ رسول کریم صلی اللہ علیہ وسلم کے خادم شیخ عبدہ علی ادریس شیخ بروز پیر مدینہ منورہ میں انتقال کرگئے۔ ان کی نماز جنازہ مسجد نبویؐ میں ادا کی گئی۔ میڈیا کے مطابق شیخ عبدہ علی ادریس شیخ روضہ شریفہ کے خدام (الاغوات) میں سے ایک تھے۔ اغوات کے حوالے سے سعودی عرب میںخصوصی ضوابط نافذ ہیں۔
اغوات کے ذمہ دو بڑے کام ہیں۔ یہ حجرہ مبارکہ کی دیکھ بھال پر مامور ہیں اور اس کے کلید بردار بھی ہیں۔ دوسرا کام مسجد نبوی ؐ کے کھولنے، بند کرنے، روشن اور معطر کرنے کا کام ان کے ذمہ ہے۔واضح رہےکہ مسجد نبویؐ میں روضہ رسول صلی اللہ علیہ وسلم کی خدمت کیلئے مامور ’مخصوص افراد‘ اغوات کہلاتے ہیں۔