مناسک حج اور عمرہ کے دوران پورٹیبل ایئر کنڈیشنرکا انتظام

ریاض: سعودی عرب میں حج اور عمرہ چیریٹی ایسوسی ایشن نے مناسک کی ادائیگی کے دوران گرمی کی شدت کو کم کرنے کیلئے پورٹ ایبل ایئر کنڈیشنر کا انتظام کیا ہے۔میڈیا کی خبر کے مطابق ایسوسی ایشن کے سی ای او انجینئر ترکی الحتیرشی نے کہا کہ اسوسی ایشن ہر سال عمرہ زائرین کی خدمات کیلئے معیاری اقدامات اور اختراعی حل فراہم کرنے کیلئے کام کرتی ہے، اور اس بات کو یقینی بنانے کی کوشش کرتی ہے کہ اس کی مصنوعات زیادہ فائدہ مند ہوں اور ایمان کے سفر پر ان کا واضح اثر ہو۔
”الحتیرشی نے مزید کہا کہ پورٹیبل ایئر کنڈیشنر میں تیز کولنگ ٹیکنالوجی، 360 ڈگری سیلسیس ایئر فلو کوریج موجود ہے اور یہ صرف 4 گھنٹے چارج کرنے کے بعد 12 گھنٹے تک کام کرتا ہے۔انہوں نے کہا کہ ایئر کنڈیشنر میں 3 کولنگ رفتاروں کے ساتھ ایک سمارٹ ٹمپریچر کنٹرول یونٹ بھی شامل ہے، اس میں مختلف موسموں کے مطابق پنکھے کے موڈ اور ہیٹنگ موڈ شامل ہیں۔ یہ جاگنگ سے لے کر پیدل سفر تک مختلف سرگرمیوں کے دوران گردن پر مضبوطی سے قائم رہتا ہے۔اس کا ہلکا وزن اور ڈیزائن خدا کے مہمانوں کیلئے ایک منفرد اور آرام دہ تجربہ فراہم کرتا ہے۔ایسوسی ایشن کے سی ای او نے مزید کہا کہ حج اور عمرہ کے نظام کے اندر کام کرنے والے اداروں کے درمیان تعاون موجود ہے، جو کہ خدا کے مہمانوں کی خدمت میں ایک واضح روڈ میپ اور اختراعی حل تیار کرنے میں اہم کردار ادا کرتا ہے۔