کھانا اچھا نہ ملنے پر بیٹے کے ہاتھوں ماں کا قتل

تھانے:مہاراشٹر کے تھانے ضلع ایک اپنی ماں کو قتل کر دیا ۔ تھانے پولیس کے مطابق یہ واقعہ اتوار کی شام کا بتایا جا رہا ہے۔ جب ضلع کے مرباد تعلقہ کے ویلو گاؤں میں ملزم نے اپنی ماں کو درانتی سے مارڈالا۔اظلاعات کے مطابق ملزم بیٹے اور اس کی ماں میں اکثر گھریلو مسائل پر جھگڑا رہتا تھا۔ اتوار کو بھی ان کے درمیان لڑائی ہوئی تھی۔ ایف آئی آر کا حوالہ دیتے ہوئے پولیس نے کہا کہ اس لڑائی کے دوران بیٹے نے ماں پر اچھا کھانا نہ کھلانے کا الزام لگاتے ہوئے بیٹے نے ماں کی گردن پر درانتی سے حملہ کردیاجس کے بعد وہ وہیں گر گئی اوراس کی موت ہو گئی۔
خبر کے مطابق جب پڑوسیوں کو اس واقعہ کا علم ہوا تو انہوں نے پولیس کو اس کی اطلاع دی۔ خاتون کو تشویشناک حالت میں فوری طور پر سرکاری اسپتال میں داخل کرایا گیالیکن وہ جاں بر نہ ہو سکی۔ اس واقعے کے بعد ملزم نے نیند کی گولیوں کی زیادہ مقدار کھا لی تو رشتہ داروں نے اسے اسپتال میں داخل بھی کرادیا، ابھی تک اسے گرفتار کئے جانے کی خبر نہیںہےلیکن اس کے خلاف قتل کی دفعات کے تحت مقدمہ درج کر لیا گیا ہے۔