دہلی اسمبلی انتخابات سے قبل ووٹر لسٹ میں ہیرا پھیری -کیجریوال

نئی دہلی: عام آدمی پارٹی کے سربراہ اروند کیجریوال نے الیکشن کمیشن کو خط لکھ کر الزام لگایا ہے کہ بی جے پی پارٹی کے اراکین پارلیمنٹ اور وزراء کے پتے کا استعمال کرتے ہوئے ملک بھر سے نئی دہلی کے حلقے میں نئے ووٹروں کو شامل کر رہی ہے۔ انہوں نے دلیل دی کہ یہ مبینہ اضافہ آئندہ دہلی اسمبلی انتخابات سے قبل ووٹر لسٹ میں ہیرا پھیری کے لیے ہے۔ہفتہ، 11 جنوری کو الیکشن کمیشن کو لکھے ایک خط میں، کجریوال نے بھارتیہ جنتا پارٹی (بی جے پی) کے لیڈروں پر ووٹر لسٹ کے ساتھ چھیڑ چھاڑ کرنے کے لیے “بیک ڈور ہتھکنڈوں” میں ملوث ہونے کا الزام لگایا۔
انہوں نے دعویٰ کیا کہ مبینہ ہیرا پھیری حلقے کے ووٹروں کی ساخت کو نمایاں طور پر تبدیل کر سکتی ہے، یہ عمل “ماضی کے بوتھ پر قبضہ کرنے کے طریقوں سے بھی بدتر ہے۔