کھڑگے کی جانب سے عمران پرتاپ گڑھی نے درگاہ پر پیش کی چادر

اجمیر،24دسمبر (میرا وطن)
خواجہ غریب نواز کے 814 ویں عرس کے موقع پر کانگریس صدر ملکارجن کھڑگے کی جانب سے سلطا ن الہند غریب نواز کی درگاہ پر چادر پیش کی گئی۔ واضح رہے کہ راجدھانی سے کانگریس اقلیتی محکمہ کے قومی صدر اور راج سبھا ایم پی عمران پرتاپ گڑھی اس روایتی چادر کے ساتھ راجستھان پہنچے۔ انہوں نے سب سے پہلے چادر پیش کر ملک کی خوشحالی، امن وامان، بھائی چارے کی دعا کی اور زیارت کے بعد درگاہ کے بلند دروازے سے کانگریس صدر ملکارجن کھڑگے کا زائرین کے نام بھیجے گئے پیغام کو پڑھا۔
اپنے پیغام میں کانگریس صدر کھڑگے نے کہا کہ انتہائی عقیدت اور احترام کے ساتھ میں خواجہ غریب نواز معین الدین چشتی اجمیری کے 814 ویں عرس مبارک کے موقع پر اپنی اور پوری کانگریس پارٹی کی جانب سے خواجہ کی بارگاہ میں چادر روانہ کرتے ہوئے خود کو بے حد خوش قسمت تصور کر رہا ہوں۔
خیال رہے کہ پرخلوص جذبات اور عقیدت کے ساتھ سلطان الہند کے آستانہ مبارک پر چادر چڑھائی جاتی ہے۔ چادر پوشی کا یہ حسین موقع ہمارے وطن کی گنگا – جمنی تہذیب، قومی ایکتا، آپسی بھائی چارہ، پیار اور محبت، ادب ورواداری کی علامت ہے۔ اس سے پوری دنیا میں یہی پیغام جاتا ہے کہ ہندوستا ن میں قومی اتحاد اور بھائی چارے کی جڑیں انتہائی گہری ہیں