دہلی سرکارکا 2026 کا بجٹ عوامی شراکت کے ذریعہ تیار کیا جائے گا

نئی دہلی، 18 مارچ(میرا وطن نیوز)
دہلی سرکارکا آنے والا 2026 کا بجٹ عوام کے لیے موثر اور فائدہ مند ہو،اس بات کو یقینی بنانے کے لیے وزیر اعلیٰ ریکھا گپتا نے بدھ کو دہلی سکریٹریٹ میں خصوصی ’ڈائیلاگ پروگرام‘ کا اہتمام کیا۔ جس میں محنت کش خواتین، اساتذہ، کھلاڑیوں اور طلباءنے شرکت کی۔ تمام شرکاءنے اپنے تجربات، تجاویز اور توقعات وزیر اعلیٰ سے شیئر کیں۔ اس موقع پرکابینی وزیر آشیش سود موجود تھے۔
وزیر اعلیٰ نے سب کی بات غور سے سنی، ان کی تجاویز پر ذاتی طور پر نوٹس لیا اور یقین دہانی کرائی کہ ان تجاویز کو بجٹ میں شامل کیا جائے گا۔ انہوں نے کہا کہ عوامی شرکت ایک ’ترقی یافتہ دہلی‘ کی سب سے بڑی طاقت ہے اور سرکارکا مقصد یہ یقینی بنانا ہے کہ بجٹ معاشرے کے ہر طبقے کی ضروریات کو پورا کرے۔
وزیر اعلیٰ کے ساتھ بات چیت کے دوران طلباءنے کئی اہم تجاویز پیش کیں جن کا مقصد تعلیمی نظام کو مضبوط بنانا اور مستقبل کے بہتر مواقع پیدا کرنا ہے۔ انہوں نے مطالبہ کیا کہ مڈ ڈے میل اسکیم کو 12 و یں جماعت تک بڑھایا جائے تاکہ یہ یقینی بنایا جا سکے کہ طلبا کو مسلسل غذائی امداد حاصل ہو۔ مزید برآ ں، طلباءنے اسکولوں میں کھیلوں کی باقاعدہ تربیت متعارف کرانے، ماہرین تعلیم اور کھیلوں دونو ں سے متعلق سہولیات کی بہتری، اور انہیں حقیقی کام کرنے والی دنیا کی عملی تفہیم فراہم کرنے کے لیے صنعت کی نمائش میں اضافے کی وکالت کی۔