راجدھانی کے پالم علاقے کے رام چوک مارکیٹ میں بھیانک آتشزدگی ،9افراد کی موت

اس عمارت کے تہہ خانے، گرا ¶نڈ فلور اور پہلی منزل میں کپڑے اور کاسمیٹکس کا شوروم ہے

نئی دہلی، 18 مارچ (میرا وطن نیوز)
راجدھانی کے دوارکا ضلع کے پالم علاقے کے رام چوک مارکیٹ میں بدھ کی صبح لگنے والی آگ میں اب تک9افراد کی موت ہو چکی ہے۔ آگ نے چار منزلہ عمارت کو اپنی لپیٹ میں لے لیا۔ جاں بحق ہونے والوں میں کئی کمسن لڑکیاں بھی شامل ہیں۔ کئی لوگ جھلس کر زخمی ہوئے، اور بہت سے لوگوں نے اپنی جان بچانے کی کوشش میں عمارت سے چھلانگیں بھی لگا دیں۔ آگ عمارت کے اندر واقع کپڑوں اور کاسمیٹکس کے شو روم میں لگی اور تیزی سے آگ کی شکل اختیار کر گئی۔
پولیس کے مطابق عمارت کے تہہ خانے، گرا ¶نڈ فلور اور پہلی منزل میں کپڑے اور کاسمیٹکس کا شوروم ہے ۔ مارکیٹ مبینہ طور پر پردھان راجندر کشیپ کی ملکیت ہے، جن کا خاندان دوسری اور تیسری منزل پر رہتا ہے۔ آگ پوری عمارت میں تیزی سے پھیل گئی اور لوگوں کو اندر ہی لپیٹ میں لے لیا۔
اطلاع ملنے پر پولیس کی ایک ٹیم بشمول پالم گا ¶ں تھانہ کے ایس ایچ او نے جائے وقوعہ پر پہنچ کر را حت اور بچا ¶ کا کام شروع کیا۔ تقریباً 20 فائر ٹینڈرز اور 11 ایمبولینسیں جائے وقوعہ پر روانہ کی گئیں۔ فائر فائٹرز نے بھرپور کوشش کے بعد آگ پر قابو پالیا۔منی پال اسپتال میں آگ میں جھلسنے والے چھ افراد کو مردہ قرار دیا گیا۔ ان میں پرویش (35)، کمل (40)، آشو (32) اور تین نوجوان لڑکیاں (12، 6 اور 5 سال) شامل ہیں۔ آئی جی آئی اسپتال پہنچتے ہی ایک خاتون کو مردہ حالت میں لایا گیا جبکہ ایک مرد اور دو سالہ بچی اس وقت زیر علاج ہیں۔ ایک 19 سالہ نوجوان کو صفدر جنگ اسپتال میں داخل کرایا گیا ہے، جس کے 25 فیصد جھلسنے کے زخم آئے ہیں۔بعد میں اسپتال میں زیر علاج دو دیگر لوگوں کی موت ہوگئی ۔
ابتدائی اطلاعات کے مطابق آگ لگنے کے دوران دو افراد نے اپنی جان بچانے کے لیے عمارت سے چھلانگ لگا دی اور بعد ازاں انہیں تشویشناک حالت میں ہسپتال منتقل کر دیا گیا۔ فائر فائٹرز نے اب تک 10 افراد کو بحفاظت بچا لیا ہے۔ واقعے کی تحقیقات کے لیے ایف ایس ایل (فارنزک سائنس لیبا رٹری) کی ٹیم کو طلب کر لیا گیا ہے۔ آگ لگنے کی اصل وجہ فی الحال معلوم نہیں ہو سکی ہے۔ پولیس، فا ئر ڈپارٹمنٹ، بی ایس ای ایس، ایئر فورس اور این ڈی آر ایف کی ٹیمیں جائے وقوعہ پر موجود ہیں۔