غزہ میں شہیدوں کی تعداد 22,400 سے متجاوز

قاہرہ: غزہ میں 7 اکتوبر سے اسرائیلی حملوں میں مہلوکین کی تعداد 22,438 اور زخمیوں کی تعداد 57,614 ہوگئی ہے ۔ وزارت صحت کے ترجمان اشرف القدرہ نے بتایا کہ ہلاکتوں کی تعداد 21,822 اور زخمیوں کی تعداد 56,451 ہے ۔وزارت نے کہا ‘‘اسرائیلی حملے کے متاثرین کی تعداد 22,438 ہو گئی جبکہ دیگر 57,614 افراد زخمی ہیں۔ 7 اکتوبر حماس نے غزہ پٹی سے اسرائیل کے خلاف ایک بڑے راکٹ حملے کا آغاز کیاتھا ۔
اس درمیان غزہ پٹی میں اسرائیلی فوجی کارروائیوں میں تیزی کے ساتھ ہی اسرائیلی فوج کے ترجمان نے جمعرات کو صلاح الدین روڈ جسے فلسطینیوں کی نقل مکانی کے لیے نسبتا (محفوظ راستہ) سمجھا جاتا تھا کو فلسطینی پناہ گزینوں کی نقل و حرکت کے لیے بند کرنے کا اعلان کیا۔ البتہ فلسطینیوں کو رشید اسٹریٹ سے نقل مکانی کی اجازت دی جا رہی ہے۔اسرائیلی فوج کے ترجمان اویچائی ادرعی نے ایکس پلیٹ فارم پر اپنے اکاؤنٹ کے ذریعے کہا کہ صلاح الدین اسٹریٹ پر انسانی ہمدردی کی راہداری کو جمعرات سے بند کردیا گیاہے اور اس کے متبادل الرشید (البحر) اسٹریٹ کو کھول دیا گیا ہے۔انہوں نے کہا کہ الرشید اسٹریٹ کوریڈور صرف پٹی کے شمال سے جنوب کی طرف نقل و حرکت کے لیے کھلا رہے گا۔ اس سے پیدل ہو یا گاڑیوں پر صبح چار بجے سے نو بجے تک اور شام چاربجےکے بعد وہاں سے سفر کیا جا سکتا ہے۔انہوں نے مزید کہا کہ دیر البلح میں البروک اور یافا کے محلوں میں انسانی مقاصد کے لیے صبح 10 بجے سے دوپہر 14 بجے تک فوجی سرگرمیوں کو مقامی اور عارضی طور پر معطل رکھا جائے گا۔صلاح الدین اسٹریٹ جس کے چوراہوں پر فلسطینی گروپس اور اسرائیلی فوج کے درمیان پرتشدد لڑائی جاری ہے۔ غزہ پٹی کے انتہائی شمال میں بیت حانون سے جنوب میں رفح تک 45 کلومیٹر تک پھیلی ہوئی ہے۔