غزہ جنگ پر خاموشی کیوں؟ سعودی عرب کی جانب سےعالمی برادری کی تنقید

ریاض : غزہ جنگ پر بین الاقوامی خاموشی پر سعودی عرب کے وزیرِ خارجہ نے لہجہ سخت کرلیا۔ سعودی وزیر فیصل بن فرحان نے اقوام متحدہ کے انسانی حقوق کے اجلاس کے آغاز پر غزہ جنگ پر خاموشی اختیار کرنے پر عالمی برادری پر سخت تنقید کی۔انہوں نے کہا کہ ہم کن حقوق کی بات کر رہے ہیں، غزہ ملبے کے نیچے ہے؟ عالمی برادری کیسے خاموش رہ سکتی ہے؟سعودی وزیرِ خارجہ کا کہنا تھا کہ غزہ کے لوگ بے گھر ہو رہے ہیں اور لوگ انسانی حقوق کی سنگین ترین خلاف ورزیوں کا شکار ہو رہے ہیں؟ سعودی وزیر کا مزید کہنا تھا کہ 30 ہزار افراد کی موت، 20 لاکھ سے زائد افراد کی فاقہ کشی، سیکیورٹی، پانی، بجلی اور ادویات کی عدم دستیابی کے باوجود سلامتی کونسل اب بھی بغیر کسی نتیجے کے اجلاس ختم کر رہی ہے۔