کانگریس پارٹی کے 140ویں یوم تاسیس کے موقع پر ریاستی دفتر پرچم کشائی

پردیش کانگریس صدر دیویندر یادو نے انڈین نیشنل کانگریس کے 140 ویں یوم تاسیس کے موقع پر ریاستی دفتر راجیو بھون میں سیوا دل کے کارکنوں کے وندے ماترم کے گانے کے ساتھ پارٹی پرچم لہرایا۔ قبل ازیں، انہوںنے کانگریس ہیڈکوارٹر، اندرا بھون میں منعقدہ کانگریس یوم تاسیس کی تقر یبات میں بھی شرکت کی، جہاں کانگریس صدر ملیکارجن کھرگے نے سی پی پی چیئرپرسن سونیا گاندھی اور لوک سبھا میں قائد حزب اختلاف راہل گاندھیکی موجودگی میں پرچم کشائی کی۔
اس موقع پر سابق ایم پی کرشنا تیرتھ، سابق وزیر منگاترام سنگھل، ڈاکٹر نریندر ناتھ، سابق ایم ایل اے راجیش للوٹھیا، وپن شرما، ریاستی کانگریس کے انتظامی انچا رج جتن شرما، آبزرور سی پی متل، جگجیون شرما، ایڈوکیٹ سنیل کمار، لکشمن راوت، شانتی سوروپ، ڈاکٹر پی کے مشرا، ایشور باگدی، خواتین کی صدر پشپا سنگھ، سیوا دل کے چیف آرگنائزر سنیل کمار، میونسپل کونسلر حاجی ظریف، ضلع صدر آدیش بھاردواج، راج کمار جین، دھرم پال چنڈیلا، محمد عثمان، راجیش یادو، ویریندر شرما، سابق میونسپل کونسلر پریرنا سنگھ ،جے پرکاش اورعبدالواحد قریشی وغیرہ موجود تھے۔
اس موقع پردیویندر یادو نے کہا کہ ہمیں کانگریس کے نظریہ، رہنمائی اور پالیسی رہنما خطوط پر عمل کرتے ہوئے اجتماعی طور پر لوگوں تک پہنچنا چاہیے، تب ہی ہم سماج کے تمام طبقات کو سماجی انصاف، مساوا ت اور حقوق فراہم کرنے میں کامیاب ہوں گے۔ انہوں نے کہا کہ آج کے بگڑتے ہوئے ماحول کو دیکھتے ہوئے ملک کے نوجوانوں کو مہاتما گاندھی کے سچائی اور عدم تشدد کے راستے پر چلتے ہوئے ملک کو ترقی اور ترقی کی نئی بلندیوں پر لے جانے میں کلیدی کردار ادا کرنے کی ضرورت ہے۔