نئی دہلی میونسپل کونسل کا بجٹ کونسل علاقے کی ترقی کی عکاسی کرتا ہے:کیشو چندرا

نئی دہلی،7جنوری (میرا وطن)
ہندوستان 2047 کے وزن کو سامنے رکھ کر نئی دہلی میونسپل کونسل کے چیئرمین کیشو چندرا نے بدھ کو وا ئس چیئر مین کلجیت سنگھ چہل اور دیگر عہدیداروں کی موجودگی میں بدھ کوپریس کانفرنس میں این ڈی ا یم سی بجٹ 2026-27 پیش کیا۔
این ڈی ایم سی کے چیئرمین کیشو چندرا نے کہا کہ این ڈی ایم سی نے اضافی بجٹ کی روایت کو جاری رکھا ہے۔ مالی سال 2026-27 کے لیے 143.05 کروڑ کا خالص منافع متوقع ہے۔ بجٹ میں پراپرٹی ٹیکس کی شرح میں کوئی تبدیلی نہیں کی گئی۔ انہوںنے کہا کہ یہ بجٹ نئی دہلی کو ایک ایسا شہر بنانے کے لیے ہمارے عزم کی عکاسی کرتا ہے جو اپنے امیر ورثے کو محفوظ رکھتے ہوئے اختراعات، ماحولیاتی تحفظ اور جامع ترقی کو اپناتا ہے۔ یہ وزیر اعظم نریندر مودی سے متاثر “ترقی ہی میراث ہے” کے فلسفے پر مبنی ہے۔
اس موقع پر این ڈی ایم سی چیئرمین کیشو چندرا نے کہا کہ کونسل انتظامیہ اسکولوں میں AI کی تعلیم کو آ گے بڑھا رہی ہے ۔انہوں نے سبز اور سمارٹ شہروں پر زور دیتے ہوئے کہا کہ بجٹ میں ہائیڈروجن توانائی، دھول سے پاک مہم، میاواکی جنگلات، سولر پینٹ اور بہت کچھ شامل ہیں۔انہوںنے کہا کہ بجٹ شہریوں کی حفاظت اور بہبود کو فروغ دیتا ہے، جس میں علاقے میں 2ہزار سی سی ٹی وی کیمرے اور کنٹریکٹ ورکرز کے لیے طبی منصوبہ شامل ہے۔
اس سے قبل این ڈی ایم سی بجٹ 2026-27 کے تناظر میں خصو صی کونسل میٹنگ منعقدکی گئی تھی جس کی صدارت دہلی کے کابینہ وزیر اور نئی دہلی اسمبلی حلقہ کے ایم ایل اے پرویش ورما نے کی۔ نئی دہلی کی ایم پی بانسری سوراج، کونسل وائس چیئرمین کلجیت سنگھ چہل، کونسل کے دیگر ارکان انیل والمیکی، سریتا تومر، دنیش پرتاپ سنگھ، اور سکریٹری/مالیاتی مشیر راکیش کمار میٹنگ میں موجود تھے۔
اس موقع پر پرویش ورما نے کہا کہ نئی دہلی میونسپل کونسل ملک کی راجدھانی کا مرکز ہے، اور اس لیے شہریوں، کاروباروں اور سیاحوں کی ضروریات کو پورا کرنے کے لیے ماحولیاتی تحفظ کے سا تھ ترقی کو متوازن کرنا ضروری ہے۔ ممبر پارلیمنٹ بانسری سوراج نے کہا کہ این ڈی ایم سی نئی دہلی کو ایک پائید ار، مضبوط اور مستقبل کے لیے تیار شہر بنانے کے لیے “وزن 2047” کے مطابق شہری بنیادی ڈھا نچے کو جدید بنا رہا ہے