سات ریاستوں کی 13 اسمبلی سیٹوں کے لیے ووٹنگ شروع

نئی دہلی: مدھیہ پردیش، مغربی بنگال، بہار سمیت ملک کی سات ریاستوں کی 13 اسمبلی سیٹوں کے لیے ضمنی انتخابات کے لیے ووٹنگ صبح 7 بجے شروع ہو گئی۔ ووٹنگ شام 6 بجے تک جاری رہے گی۔ نتائج کا اعلان 13 جولائی کو کیا جائے گا۔مدھیہ پردیش کے چھندواڑہ ضلع میں امرواڑہ اسمبلی سیٹ کے ضمنی انتخاب کے لیے ووٹنگ کا عمل جاری ہے۔ ابتدائی مرحلے میں ہلکی بارش کی وجہ سے پولنگ اسٹیشنوں پر ووٹرز کم تعداد میں نظر آئے۔ امرواڑہ اسمبلی کے 256959 ووٹر 332 پولنگ اسٹیشنوں پر اپنا ووٹ ڈالیں گے۔
اسی دوران ہماچل پردیش کے ہمیر پور میں صبح سات بجے ووٹنگ کا عمل شروع ہوتے ہی لوگوں نے ووٹ ڈالنا شروع کر دیا۔ بچوں کے سکول میں تین پولنگ سٹیشن بنائے گئے ہیں جن میں دو پولنگ سٹیشنوں پر خواتین ملازمین کو تعینات کیا گیا ہے۔الیکشن افسر منیش کمار سونی نے بتایا کہ اسمبلی ضمنی انتخاب کے لیے ہمیر پور میں تیاریاں مکمل کر لی گئی تھیں۔ بدھ کی صبح سات بجے سے ووٹنگ کا عمل پرامن طریقے سے شروع ہو گیا ہے۔ صبح 4 بجے سے 94 پولنگ سٹیشنوں پر ملازمین اور افسران کو تعینات کر دیا گیا۔